كونك تحس و تحن
مطعون بس ما اون
مانيتي اعاتب لجن
طعنة برودك دفن.
اشكال منك بدن
بس مابدالي حضن
صح منك شكد جفه
وصح الك بيه وطن
بالناكة بله شلي
مفلس بطرك الحزن
بس كشتي ضحكتك
كسرتني وانه مرن
ضحكت الزفة فشك
ثارن هلال علن
صرت الهن انه سمه
بجبدي شكثر نجمن
هوست بس ابرفس
بالمنذبح وشتضن
عمي اليزف بالعجل
كطعلي اوداجهن
كابرت لكن عبث
اصوابي حره فطن
صح بالداية اسكنت
بس ليلي ما ينسكن
يابوية لو بس اهد
عبراتي بيه اوجرن
عبرت سجين ابوكت
اذان مغرب اذن
ابروحي احس معتقل
خلص حياته سجن
صرت اكره امخدتي
مقصلة نومي لءن
ادموع يامه انزفت
مو طاح وجه الكطن
الزفة بيها اثم
واليزف مابي رحم
علعلوا بيه الذبح
زفوها لبن العم
حزو نحر قسمتي
كالولي ما ترهم
ذبحوها اهل حظ بخت
والنفذ امعمم
زفها اعله مذهب سمح
ريت الله ما تمم
تاهت صفنتي وتهت
بين اطش بين التم
بين افرح لفرحتج
بين اطك واثلم
سمجة ولبكها الزهر
صايم فطرله بسم
سلمت لله امر
بس كلبي ماسلم
مو امر ربك نفذ
بيت وعلية اهدم
انه اول اطرش سمع
بالزفة واني اطرم
انه اول اخرس صرخ
باليل لو ظلم
انه اول اعمه كلب
بس عايش محرم
طف وسبي وواقعة
واعداء ومخيم
سجيت روحي على
قبلة ونين وهم
ابصدري اضم لوعتي
والكاتمة انه اعظم
