من اول فجر عشته وحزني ما شاني
وكبر بيه
وشفت من كل درب لوعات
تاخذني وترد بيه
ما عفت الدمع لحضه ولا غنيت لمرايه
وشفت طولي
شفت حزني ظفيره يطول من اكبر
وشفت دمعي نهر والروج ما يعثر
شفت كل النجوم تلوكلي من اذكر
عدد لجماتي من عدهم
طحت بين الحجي وعثراتهم
تندهني وتسولفلي الكره بيهم
يتعبوني من اريد ارتاحلي بديره
ولا جني رسمت احلامهم بيدي
وكتبتلهم حزن من لون دمعاتي
بعد ما اظل حجي وينكال لجروحي واصبرهن
الكمر يندلهن جروحي
كل ساعه ويرد بيهن
كل لجمه ويغنيهن
اريد ارتاح من عدهم
والم الكذله بعيونك
اريد الكه اليشبهونك
يبن حزني شحلات الماي بضنونك
ولا عطشان بس ل اسمي
غنيلي العشك يشتاكلي من اكبر
غنيلي النجم شباج لليسهر
اريد اسهر والم طولك واغنيلك
وادليك على كلبي اشكد عطش لجلك
