النحالين حسين و حيدر (صور)

“احنه حسين وحيدر.. من صغرنا ولحد اليوم نشتغل بالنحل 🍯
جدنا النحال حسين داوود العبيدي من بابل من أول النحالين بالعراق. استورد خلية نحل سنة ١٩٦٣ وبدا يشتغل بيها، كان من الهواة لهذه المهنة، استمر بيها إلى أن توفى سنة ٢٠٠٤، كان والدي أيضاً يعمل مع جدي، وتوفى سنة ٢٠١٩، والآن آني حسين وأخي حيدر نعمل مكانهم.
العسل الي تنتجه مناحلنا طبيعي وأنواع، مثل عسل البرسيم والكالبتوز والسدر، نرفض العسل المستورد.
أعداد خلايا النحل عدنا توصل إلى ٥٠٠ خلية، گدرنا نفتح مكتب بالحلة ومكتب بالبصرة، لكن بس ظروف الأجواء وطائر الوروار والدبور الأحمر وعدم دعم الدولة لنا تتراجع الأعداد كل سنة. احنه دائماً نحاول نكثر بيهن وتتراجع. الحمد لله سنة ٢٠١٦ فقط طلّعنا طن و٩٠٠ كيلو عسل”.

المصدر :صفحة يلا