وفاء عامر: هددوني بخطف ابني مقابل فدية 50 ألف دولار

كشفت الفنانة وفاء عامر، عن تلقيها تهديد بخطف ابنها الوحيد، في حال امتناعها عن دفع مبلغ مالي كبير.

وقالت وفاء عامر في مقابلة تلفزيونية مع الإعلامي عمرو الليثي مقدم برنامج “واحد من الناس” الذي يبث عبر قناة “الحياة” الفضائية:” وقت الثورة في 2011 وصلتني رسالة نصية تقول 50 ألف دولار وإلا ستفقدين ابنك في ظل الانفلات الأمني حينها، والسلاح الآلي سيد الموقف”.

واستكملت وفاء عامر حديثها: “بقيت مش عايز أنزله المدرسة، وخايفه إنه يبص من بلكونة، وكنت خايفة عليه وعلى أبوه وكل العيلة، وركبت باب حديد للشقة، وكنت أنا اللي أفتح لو الباب خبط”.

وأضافت وفاء عامر: “بصراحة ابني كان أشجع مني، وراجل جدع زي أبوه، ومن حبه للمدرسة صمم ينزل”.

وروت وفاء عامر خلال حوارها تفاصيل خضوع ابنها لعملية جراحية في عينه قائلة: “كنت مسلمة أمري لربنا، وإحنا عندنا دكاترة محترمين نصحوني بعدم عمل العملية في لندن، لأن العين هتتظبط لوحدها، وفعلا بعد ما سافرنا وصرفنا في لندن العملية باظت، وابني بيتعالج عندهم حاليا”.

وفاء عامر.. كبيرة العائلة

تطرقت وفاء عامر في حوارها مع عمرو الليثي لعلاقتها بشقيقاتها قائلة: “أنا كبيرة العيلة والعمدة بتاعة البيت، ومليش أخ ولد وكل إخواتي بنات وأنا الكبيرة كان لازم أكون الست والراجل”.

وواصلت وفاء عامر حديثها: “مزعلتش لما قالوا إشاعة إن أيتن عامر تبقى بنتي، لأنى لو كنت اتجوزت صغيرة كان زمان عندي زيها وأخبى ده ليه، واللى أطلق الإشاعة دي ربنا يسامحها فنانة زميلة، وكنت أظنها صديقة لكن طلعت غير كدة”.

يذكر أن وفاء عامر شاركت في رمضان الماضي بمسلسل اجتماعي يحمل اسم “راجعين يا هوى” بطولة خالد النبوي، ونور اللبنانية.

الاولى نيوز-متابعة