نبأ و اليوغا
درست اليوغا في إندونيسيا والهند.. واليوم تدرّب عشرات النساء في العراق 🧘🏻♀️
نبأ اسماعيل، تخرجت من كلية اللغات بجامعة بغداد، ولعملها في مجال الرياضة واهتمامها بالوعي والتنمية قررت دراسة اليوغا في إندونيسيا والهند، لتعود بعد ذلك إلى العراق وتفتتح مركزاً خاصاً بهذه الرياضة، استطاعت من خلاله تدريب ٤٥ امرأة حتى الآن.
تقول نبأ “اليوغا تساعد على الهدوء وتصفية الذهن وتقوّي الجهاز العصبي والهضمي والتنفسي وأيضاً المفاصل والعظام. البنات من أول جلسة يبين الفرق عندهم، ما چانوا يتخيلون نفسهم أنو يوگفون على رجل وحدة أو يحنون جسدهم للأمام، من جربوا گدروا يفتهمون جسدهم أشگد قوي، وبدوا يعرفون يتحكمون بمشاعرهم من خلال عدّة تمارين.
حالياً آني ممارسة للعلاج بتقنية “مسارات الوعي”، وطموحي افتح مركز للعلاج باليوغا والطاقة على مستوى متقدم. نصيحتي للكل: مارس أي شيء تحبه حتى لو بسيط، ممكن تتعلم من اليوتيوب، أكو هواي مدربين وهواي أشياء مجانية، خلي عندك الإرادة وأطلق النيّة وابدأ من هاي اللحظة!.
المصدر :صفحة يلا
