محيي إسماعيل: ذهبت للمستشفى بعد مقلب رامز
أعرب الفنان المصري محيي إسماعيل، عن سعادته بالمشاركة في مقلب رامز جلال ببرنامجه “رامز مجنون رسمي”، مشيرًا إلى أن الحلقة كانت رائعة.
وقال محيي: “أنا الحمدلله زي العفريت، وكنت مبسوط بالحلقة، والقرآن الشريف مكنتش أعرف المقلب ولا إن في رامز، الاتفاق كان مع أروى فقط واتفاجئت بوجود رامز”.
وأضاف: “اللي حصل كان مفاجأة معرفهاش، ولذلك أطالب بأن أحصل على أموال من رامز مقابل الحلقة التي فوجئت بها”.
وواصل: “كنت فاكر إن البرنامج لأروى ومفيش رامز، والخدعة كانت في إني أتكتف، ويا ريت بقى يوقفه العنف في المقالب دي، كفاية بقى، لإن في قسوة في التعذيب، ولكن الحلقة مكسرة الدنيا”.
وأكمل: “أنا تركت رامز يعمل الي هو عاوزه، لإني كنت متكتف والكرسي في كهربا، لذلك لما ألاقي حد يقولي أنا مجنون طبيعي إني أريحه، لإني مليش حرية أعمل أي حاجة، ولو عاندت المجنون هيتجنن أكتر، فكان لازم أريحه”.
وأردف: “بعد الحلقة رامز اختفى، وضربته بعد المقلب بس خلاص كان اللي حصل حصل، وأنا بطالب إن برامج العنف دي تتوقف تمامًا، أروى عملت لعبة الخبث واتكتفت وخلاص”.
وأكمل: “المفترض لما يتم استضافة نجم مع رامز يسألوه الأول لو عنده القلب أو الضغط، لأن لو حد اتعرض لخطر هيبقى الوضع مش كويس”.
