فؤاد يمين يُفجع بوفاة أحد أقربائه بسبب كورونا

عبّر الممثل اللبناني فؤاد يمين​ عم حزنه الشديد لفقدانه صديقه وإبن عمته، بسبب ​فيروس كورونا.
ونشر يمين عبر صفحته الخاصة على أحد مواقع التواصل الإجتماعب، صورة لإبن عمته وعلّق: “كان إلي الحظ آخر خمس سنين بحياتي اني مضّي معك وقت بأبيدجان، وشوف حبّك، وكرمك والضحكة يللي ما بتترك وجّك…ما بتذكّرك ولا نهار زعلان، ومش عم تنكّت وتضحك. الحياة ما كانت سايعتك، و كنت دايماً تخبّرني عن أحلامك، ومشاريعك يللي بدّك تعملا، وكنت من الناس يللي وين ما تكون تخلّي الكل حواليك مبسوط!”.
وأضاف: “بدّي اعتذر منك، ما قدرنا نعمل الدعاية يللي حكينا عنا لشركتك وإجّلناها، وبدّي اشكرك ع كل لحظة حلوة مضّيناها سوا… الكورونا سرقتك منّا، بس انت بقلوبنا رح تبقا لعطول، كل ما نتذكرك نبتسم ونقول، شو كان حلو هالإنسان. الله يصبّر مرتك وولادك، وامك وإخواتك… بيت شباب وابيدجان اليوم مكسورين… الله يرحمك”.

الاولى نيوز-متابعة