تصريح أحمد زاهر عن “أصعب مهنة في التاريخ” ..ماذا قال؟

أثار الفنان المصري أحمد زاهر جدلا واسعا بتصريحات عن صعوبة مهنة التمثيل ومقارنتها بمهنتي الطب والهندسة.

وحلّ أحمد زاهر ضيفا ببرنامج “الحقيقة أولا” من تقديم فاتن زين الدين عبر قناة “الحرة”، وقال إن التمثيل “أخطر شغلانة ممكن تدمر أي بني آدم وفاكرين الموضوع سهل”.

وأضاف “أنا صورت 36 ساعة في مسلسل، هاتي لي دكتور أو مهندس أو محامي أو أي مهنة يقدروا يشتغلوا كل الساعات دي واقف على رجله، أنا آسف محدش يقدر، الفن أصعب مهنة في التاريخ”.

وسخر الدكتور جمال شعبان، عميد معهد القلب السابق، من تصريحات الفنان أحمد زاهر عبر صفحته الرسمية على موقع “فيس بوك”، وقال: “الأطباء والمهندسون منبهرون بكلامك، وبيقولوا لك ربنا يقويك يا نجم على صعوبات المهنة.. بتروحوا اللوكيشن شايلين أرواحكم على كفوف أيديكم، فداء للفن”.

تصريحات الفنان أحمد زاهر تفاعل معها أيضا رواد مواقع التواصل الاجتماعي، وفي الوقت الذي انتقد كثيرون تصريحاته، وافق آخرون على رأيه بشأن صعوبة مهنته مع عدم التقليل من مهن الآخرين.

وكتب حساب “ميدو طارق” على “فيس بوك”: “يا أستاذ أحمد هو كلام حضرتك كويس ومحترم ومحدش قال حاجة وأكيد مهنتك صعبة ومليانة مخاطر بس ده مش معناه إنك تقلل من المهن أو الوظايف التانية”.

وأضاف: “مهما اتكلمت مش هتقدر تشوف المخاطر في المهن والوظايف التانية غير اللي فيها.. وكل واحد في مهنته بيتعب وبيواجه مشاكل كتير، فبلاش تفضل أو تقول إن مهنتك بس اللي صعبة وإن محدش يقدر يستحملها وهكذا. صدقني أنت مش شايف الموقف صح”.

وكتب حساب حمل اسم “رؤى”: “مهما زادت ملايينكم تبقى عقدتكم وغيرتكم من الأطباء والمهندسين وكل المتعلمين.. إذا كان كل هذا تعب ليه مدخل بناتك يتعبوا ويتعقدوا ويتدمروا وخصوصا الصغيرة”.

وكتب حساب “بسمة عبدالعزيز” على “فيس بوك”: “افتكرت دلوقت الدكاترة اللي مبتنامش باليومين والتلاتة وبتفضل واقفة على رجلها تعالج الناس وكتير منهم وقع في شغله ميت بسبب الإجهاد وعدم الراحة ده مثال صغير”.

وأضافت: “غير المهندسين وباقي الأشغال اللي بيتعرضوا لظروف الجو الوحشة ومش بالشهادات كمان فيه عمال النظافة وفيه العمال اللي وقت البرودة والشتا والجو اللي ميحتملش بينزلوا الشوارع عشان يسلكوا البلاعات عشان إحنا المواطنين نقدر نمشي في الشوارع دي نماذج قليلة”.

وأكملت: “مش مشكلة إن حد يحب شغلته وخصوصا لو ممثل لكن ميتفهش من باقي الوظايف معلش هو بيفيد مين بشغلانته دي التعب ده كله بيعمله ليه؟ يا عشان فلوس يا عشان دي هوايته وحاجة بيحبها لكن إحنا مش بنستفاد منها بحاجة اه بتسلينا أوقات بس مش مسألة حياة أو موت بالنسبالنا”.

الاولى نيوز-متابعة