“تحدي الخير”.. ريهام حجاج تتبرع بمليون جنيه مصري لمواجهة كورونا

ريهام حجاج

تبرعت الفنانة  المصرية ريهام حجاج بمليون جنيه مصري (64 ألف دولار) لوزارة الصحة المصرية لمواجهة فيروس كورونا المستجد (كوفيد-19).

ونشرت ريهام عبر حسابها الشخصي على موقع “أنستقرام” مقطع فيديو أعلنت فيه خبر التبرع.

وقالت ريهام: “مساء الخير عليكم، وحشتوني جدا، بقالي كتير متكلمتش معاكم، مكنتش حابة أدخل أتكلم معاكم في موضوع زي كورونا، محدش كان يتخيل اللي بيحصل، للأسف إحنا في أزمة كبيرة وكارثة عالمية، المرحلة اللي إحنا بنمر بيها دلوقتي شوفنا دول تانية بتمر بيها منها اللي التزم وقعد في البيت زي الصين وعدت المرحلة ودي كانت تجربة ناجحة جدا ومنها اللي استهتر وللأسف بقى يدفنوا كل يوم فوق الـ400 بني آدم”. 

وتابعت: “أنا زعلانة جدا على إيطاليا واللي حصل فيها لأنها تعتبر بلدي ولا أتمنى أن يحدث الأمر في مصر، وأي حد مش عاوز يشوف ده يحصلنا، من فضلكم التزموا واقعدوا في البيت حتى نستطيع محاصرة الفيروس. هتقولي الناس اللي بتنزل عشان أكل عيشها ويوميتها ده واجبنا الاجتماعي، في الأزمة مفيش فرق بين الغني أو الفقير أو أسمر أو أبيض غير الضمير والرحمة، لازم نبقى عندنا ضمير ومنخرجش من البيت ويكون عندنا رحمة ونحس باللي حوالينا”.

وأضافت ريهام حجاج: “لقاء الخميسي اتحدتني في حملة الخير، وأنا قبلت التحدي، وهتبرع بمليون جنيه لوزارة الصحة المصرية وبتحدى محمد حلاوة، وتامر مرسي، ونيللي كريم، وخالد النبوي”.

وفي ختام الفيديو وجهت رسالة للمواطنين: “عاوزة أقولكم على حاجة، أنا هتابع كل الرسائل على أنستقرام، مش هقدر ألبي طلبات الناس كلها أكيد، لكن فيه ناس كتير أوي أوي هقدر أساعدها، أي حد محتاج دواء أو خزين البيت أكل أو شرب يبعتولي رسائل، وأنا على قد ما أقدر هساعد”.

متابعة : الأولى نيوز